Drim ngai 20/04, tàm ƀòn dờng Kon Tum, Tỉñ ủy Kon Tum bơyai lơh Pơrjum tơn jơh 10 nam lơh jat Nghị quyết Dà lơgar 8 khoă XI bè broă lơh kwơ màng sền gàr Dà lơgar tàm bơta pa. Đại tướng ồng Tô Lâm, Ủy viên Ƀộ Cíñ trị, Ƀộ trưởng Ƀộ Kwang àng, tus bal mờ đơs sồr lơh tàm dơ̆ pơrjum, cih dờp, jờng rơ uă ngan cồng nha Tỉñ ủy Kon Tum dê lơh geh tơnơ̆ 10 nam lơh jat Nghị quyết bơh Dà lơgar dê bè broă lơh kwơ màng sền gàr Dà lơgar tàm bơta pa.

Đơs tus jơnau kờñ, gùng dà broă lơh sền gàr Dà lơgar bơh Tỉñ ủy Kon Tum dê tàm bơta pa, Đại tướng ồng Tô Lâm, đơs sùm: pal tơrgùm đơng lam mờ sồr lơh lơh geh bơta tam gơl pràn kơl dang tàm broă lam lơh jat ală gùng dà broă lơh bơh Đảng dê nàng sền gàr Dà lơgar, gàr niam broă sền gàr Dà lơgar- lơngap lơngai. Pơn jat tai bơt bơtàu mpồl tam klăc dờng jơh gùt làng bol pơgồp bal mờ prap gàr mờ bơtàu tơnguh bơta niam chài lơh geh bơnàng jă kơ̆ kơljap ai broă sền gàr dà lơgar tàm bơta pa.