Pơgăp mờ do tòm 50 nam, jơnau sồr sò tơm gơsơ̆t chơ̆t jơh Mpồl đơng lam ling klàng kơnhoàl mờ kơnhoàl Đăk Pék geh pờ tơlik bơh Gah đơng lam  tiah tam lơh ling tơngklàs he dê. Tơnơ̆ 4 jiơ tam lơh, he neh ătbồ jơh Mpồl đơng lam ling klàng kơnhoàl mờ kơnhoàl Đăk Pék, tơngklàs jơh bàr kơnhoàl H30 mờ H40, tŭ do là kơnhoàl Đăk Glei, càr Kon Tum. Mpồl pôs đồng ling sò tơm Đăk Pék gơtìp gơsơ̆t chơ̆t jơh, tiah kơryan bơh Gơnoar ătbồ Ngụy Sài Gòn dê tàm gùng 14 gơtìp lơh gơprah gơpring jơh neh pờ geh gùng kềng kwơmàng đah măt tơngai lik bơnơm Trường Sơn, tàm tơrbŏ bal Quân khu 5, Tây Nguyên mờ tiah đah jum măt tơngai lik dà lơgar.

Tam lơh pha lin Đăk Pék lơh gơlik geh bơta pràn ai tơngklàs Tây Nguyên in, pơgồp bơnah kwơmàng tàm dơ̆ tơrgùm sò tơm dờng mờ ntàu tam lơh kàl prang nam 1975, tơngklàs jơh gùt ù tiah đah Jum, tơrgùm dùl dà lơgar.