Càr Lâm Đồng là dùl càr geh uă bơta pràn bè nhơl chờ, lơh broă sa sươn sre bơh Việt Nam dê. Bơta ai pà bơh brê bơnơm, bơh trồ tiah dê neh lơh gơlik geh tiah ơm kis ƀươn ngan mờ ờ huan ngan geh tàm Việt Nam nàng càr Lâm Đồng in gơtùi lơh gơlik uă phan lơh geh bơh sươn sre niam ngan. Tàm tŭ hơ̆, lơgar Australia gam geh wơl uă jơnau kờñ bè kơphê tŭ kờp bal pal ngai làng bol lơgar do ngui 2 kĭ kơphê dùl nam. Australia kung geh đơs là drà kă bro geh uă bơta pràn gơwèt mờ gar điều mờ bơkàu ală bơta bơh Lâm Đông dê. Den tàng bè hơ̆, Ủy ƀan Ñân zân càr Lâm Đồng neh ai mpồl lơh broă lòt tus lơgar Australia lơh broă mờ bơyai lơh ală broă lơh hòi jà kă bro. Bơdìh mờ broă hòi jà kă bro, càr Lâm Đồng kung kờñ geh Australia tàm jàu măy mok lơh gơlik sơntìl, măy mok pơr phan lơh geh bơh sươn sre mờ năng lượng măt tơngai, tam phan lơh is mờ măy mok, măy mok bơsong sồ siă tuh bơdìh, ngan là phan sơrbì bơh lơh broă sa sươn sre, broă lơh lơh broă sa sươn sre ngăc ngar...