VOV4.K’ho - Gơrềng tus mờ broă mus kơl chi brê hòn is nàng lơh gùng Trường Sơn Đông, ngai òr (14/02), Sở Nông nghiệp mờ Phát triển Nông thôn càr Lâm Đồng neh geh sră nggal yal mhar tus UɃÑZ càr nàng dan mờ Mpồl đơng lam ling klàng, Ƀộ Quốk phòng đơng lam ơm mơ broă lơh gùng.

                                 Broă lơh gùng Trường Sơn Đông gơrềng tus mờ brê hòn is

Jăt jơnau yal bơh Sở Nông nghiệp mờ Phát triển Nông thôn càr Lâm Đồng yal, Ci kụk Kiểm lâm càr neh đơng lam, pơgồp bal mờ mpồl sền gàr brê kơnhoàl Lạc Dương, brê dà lơgar Bidoup-Núi Bà bơyai lơh tus sền tàm tiah lơh gùng Trường Sơn Đông gơwèt ù tiah kơnhoàl Lạc Dương, càr Lâm Đồng geh Mpồl Atbồ rơndăp broă 46-Mpồl đơng lam ling klàng, Ƀộ Quốk phòng lơh ala măt lơh tờm bơcri priă. Mùl màl, kờp jơh gùng jòng neh geh lơh là rơlao 3 kơi sồ 300 thơ̆k, ơnàng gùng di pơgăp 4 thơ̆k. Tàm hơ̆, khà bă ù neh geh tam gơl ngui ù brê hòn is nàng gơs ù lơh gùng là di pơgăp 2 kơi sồ 300 thơ̆k. Geh rơlao 1 kơi sồ gùng mpồl lơh broă neh lơh tàm bă ù brê hòn is ờ hềt geh ai tam gơl broă ngui.

Cau mblàng Ndong Brawl