UɃÑZ càr Lâm Đồng đơng lam ală kơnhoàl, ƀòn dờng Dà Làc mờ Bảo Lộc pơn jăt tai tus sền, sền wơl jơh ală ƀòn, hìu bơsram, hìu sơnơm, hìu lơh broă, pôs đồng ling klàng tàm tiah jăt gah dà dờng, croh dà, tiah jăt chàr bơnơm ñàng di tŭ gŏ, yal lài tiah di gơlan gơtìp tơrlah ù, dà cò, gơbam dà. Kwơ màng, UɃÑZ càr Lâm Đồng sồr ală tiah tàm càr lơh ngan ntrờn, ntrờn mơ ală hìu làng bol, cau lơh broă tàm anih lơh broă, mpồl lơh broă tàm tiah jăt jơng bơnơm, tiah geh chàr bơnơm ñhoa ngòt rơngơ̆t, tiah di gơlan gơtìp tơrlah ù nàng gàr niam bơta lơngăp lơngai tus mờ màng kis bal mờ phan bơna.

Mờ rơcang lơh jăt gùng dà broă lơh ai, dong kờl, kơl jăp anih pleh ơm mờ rài kis ală hìu làng bol pal ntrờn in. Mìng is tàm tiah koèl kơh Bảo Lộc, pal geh gùng dà broă rơcang gàr lài sùm ngai kung bè mang tàm bơta trồ tiah pơn jăt tai geh mìu dờng, geh broă lơh tơmù nàng tơrbŏ wơl gùng lòt mhar ngan di lah gơtìp.