Rơndap ù tiah càr Lâm Đồng tơngai bơh nam 2021-2030, rơndap broă lơh tus nam 2050 neh geh Mpồl duh broă sền sơ wì Dà lơgar dê ring bal mờ gam bơyai lơh lơh sir rơndap broă lơh jat jơnau sền sơ wì. Tàm hơ̆, ờ kờp rơndap broă lơh rơndap ù tiah bal ƀòn dờng Bảo Lộc mờ tiah rềp bal neh lơh sir broă lơh sền sơ wì, yal mờ ring bal, jơh ală rơndap broă lơh rơndap ù tiah ndai ndrờm gam lơyài tŭ tơngai mut lơh pơndrờm mờ jơnau sồr.

Ồng Lê Quang Trung, Kwang atbồ Sở Xây dựng càr Lâm Đồng pà gĭt, jat tŭ tơngai mut lơh den broă lơh ală rơndap broă lơh rơndap ù tiah tàm kơnhoàl tàm ù tiah càr dê neh gơtìp lơyài pơndrờm mờ broă rơndap lơh. Jơnau gơbàn là tài bơh nùs nhơm lơh rơndap ù tiah tàm kơnhoàl bơh ală tiah dê geh bơta krơi is, geh kơnhoàl den kờñ lơh rơndap ù tiah geh ngan ai rơndap broă lơh rơndap ù tiah tàm kơnhoàl mơya jat jơnau sồr den ờ gơtùi tơmut tàm rơndap broă lơh geh ngan ờ. Den tàng pal roh tŭ tơngai lơh wơl tai, lơh niam wơl tai uă dơ̆.