Jăt mờ hơ̆, Anih duh broă làng bol càr Lâm Đồng sồr ală anih lơh broă, mpồl lơh broă tàm càr, ală kơnhoàl mờ ƀòn dờng Dà Làc, Bảo Lộc bơyai lơh sền wơl nền, gŏ di tŭ ală tiah ngòt rơngơ̆ di gơlan gơtìp tơrlah, dà cò, gơbam dà, tàm hơ̆ uă ngan là ală tiah geh làng bol ơm kis, hìu bơsram, hìu lơh broă, pôs ling, hìu măi, hìu lơh broă mờ măi mok…

Lơh ngan ntrờn làng bol mờ phan bơna lik bơdìh tiah gơtìp ờ niam, bañ lời gơtìp ală bơta ờ thàn, ni sơna. Mờ rơcang lơh jăt gùng dà broă geh ai, dong kờl, kơl jăp anih pleh, ơm, kơl jăp rài kis ai ală hìu làng bol pal ntrờn in. Mìng is kơnhoàl Dam Rong, Anih duh broă làng bol càr Lâm Đồng sồr tơmù hoàc huơr bơh dơ̆ tơrlah ù tàm xã Dà K’ Nàng, bơyai còp să, pơn dờm, pơn-iang, dong kờl hìu nhă geh cau gơtìp chơ̆t.