VOV4.K’ho - Drim òr (08/04), tàm ƀòn dờng Dà Làc, UɃÑZ càr Lâm Đồng bơyai lơh pơrjum tơn jơh broă pơrlòng kờñ gơboh mờ dà lơgar nam 2021, lam sồr mờ kĭ hơ bal pơrlòng nam 2022.

      Càr Lâm Đồng tơmù bơta ờ niam lơh jăt broă lơh geh cồng nha lơh bơdìh gời tàm broă pơrlòng pơn jờng

Pơrjum geh Phó Củ tịc lơgar mò Võ Thị Ánh Xuân, Phó Củ tịc dơ̆ 1 mpồl duh broă pơrlòng pơn jờng Dà lơgar tus pơrjum bal. Đơs tàm pơrjùm, ồng Trần Đức Quận, kwang geh jơng tàm Ƀan cấp hàñ Đảng dà lơgar, Ƀí thư Tỉñ ủy, Củ tịc HĐÑZ càr Lâm Đồng đơs là, bŭ lah geh uă cồng nha niam, mơya broă pơrlòng kờñ gơboh mờ dà lơgar càr dê gam geh ală broă gam ờ pràn. Nàng tơmù bơta do, ai broă pơrlòng kờñ gơboh mờ dà lơgar càr dê geh uă cồng nha rơlao, den ală kâp ủy đảng, gơnoar atbồ pal geh ală broă lơh mùl màl. Di tàm dơ̆ do, ala măt mpồl duh broă pơrlòng pơn jờng Dà lơgar, Phó Củ tịc lơgar mò Võ Thị Ánh Xuân neh jào Huân chương Độc lập khà II, Huân chương Sền gàr Dà lơgar khà II mờ Huân chương Lao động khà I, II, III ai 24 nă cau mờ 8 mpồl lơh broă neh geh cồng nha uă tàm broă lơh jăt ală broă pơrlòng kờñ gơboh mờ dà lơgar tàm càr do.

Cau mblàng Ndong Brawl