VOV4.K’ho - Jăt jơnau yal bơh Sở Văn hoá, Thể thao mờ Zu lịc càr Lâm Đồng, tàm satềp Ñâm Zần nam 2022 (bơh ngai 29 nhai 12 jăt tơngai àng kơnhai tus ngai 6 satềp), càr Lâm Đồng wă geh rơlao 300 rơbô nă năc nhơl chờ tus nhơl chờ nam pa, ơm rơlô să, gơguh rơlao 566% khà năc pơn drờm mờ satềp Tân Sửu nam 2021.

Tàm hơ̆, cau năc ơm geh 120 rơbô nă mờ năc dunia geh 1 rơbô 900 nă, mìng tơrgùm tus tàm ƀòn dờng Dà Làc. Khà cau năc gal ngan geh tàm ală ngai 2 tus ngai 6 satềp, tŭ ală hìu năc ơm tàm ƀòn dờng ndrờm geh 95% khà bơta pràn anih ơm rơlô. Cau năc gơguh ni sơna, geh tŭ gơtìp tàm bơta gal ir, khà priă gơguh bơh 30 tus 40% pơn drờm mờ ală ngai bè ờs mơya bơta niam ală anih lơh broă drơng ala nhơl chờ ndrờm geh tơl. Do là bơta tơngŏ niam ngan gah nhơl chờ càr geh khà gơguh pràn tàm bơta lơh jăt bè ờs pa.

Cau mblàng Ndong Brawl