VOV4.K’ho - Ngai òr (06/04), jăt tơngai àng kơnhai, Duh kah bơtau Hùng, lơh chờ Đền Hùng mùl màl geh sơn đờm mờ tơngu me “Ndu gơnrơh rơnàng lài do, Ù tiah bơtau Hùng” pơgồp bal mờ tơnkah 10 nam UNESCO dờp “Pin dờn duh khai bơtau Hùng tàm càr Phú Thọ” là Phan lời wơl Chài rơgơi ờ di phan bơna ala măt kòn bơnus.

Duh kah ồng dà lơgar Lạc Long Quân mờ chu ñàng kah kơlôi mò Âu Cơ ngai 06 nhai 3 jăt tơngai àng kơnhai; Chu ñàng kah kơlôi ală bơtau Hùng ngai 10 nhai 3 jăt tơngai àng kơnhai mờ Pơdơng bơkào tềng rùp “Bác Hồ boh bơr mờ kwang bàng, cau ling Đại đoàn quân tiên phong. Ồng Hồ Đại Dũng, Phó Củ tịc UɃÑZ càr Phú Thọ, Kwang atbồ Mpồl bơyai lơh dơ̆ duh kah bơtau Hùng-Lơh chờ Đền Hùng nam Ñân Zần 2022 pà git, càr neh ai tơl bơta ƀuơn ngan nàng làng bol tus bal tàm ală broă lơh bơceh chài rơgơi, prăp gàr ală bơhiàn pin dờn, tàm hơ̆ uă ngan là tàm ală dơ̆ lơh chờ Đền Hùng ngai 10 nhai 3 jăt tơngai àng kơnhai pah nam dê.

Cau mblàng Ndong Brawl