VOV4.K’ho - Ngai òr (14/02), uă hìu bơsram đại học mùl màl pờ mpồng wă rò cau bơsram dờng tus bơsram wơl tơnơ̆ mờ tơngai jŏ bơsram pờ tơlik tàm internet nàng rơcang sơndră mờ kòp kovid-19.

Cau bơsram dờng chờ hờp tus lòt bơsram tơn, gam ală hìu bơsram kung sền kwơ broă rơcang sơndră mờ kòp kovid-19 nàng gàr niam ờ do ờ dă bơta pràn kơl dang să jan ai jơh cau bơsram mờ kwang bàng, cau pơgru in. Ngoh rơngăc geh bal mờ ờ sŭk là nùs nhơm bal bơh cau bơsram dờng nam sơnrờp dê, dơ̆ sơnrờp geh lòt bơsram tơnơ̆ mờ tŭ neh geh rơwah mŭt bơsram. Nàng gàr niam ờ do ờ dă, rơcang sơndră mờ kòp gơtờp, ală hìu bơsram ndrờm bơ̆t bơtàu ală gùng dà broă lơh nền nòn, bơh broă bơyai bơto bơsram, ai anih ơm tàm hìu ơm bal kung bè di lah gŏ cau bơsram dờng, kwang bàng, cau pơgru là cau F0.

Cau mblàng Ndong Brawl