VOV4.K’ho- Tàm dơ̆ wă Mpồl ala mat cau geh màng mờ dà lơgar càr Dăk Nông mờ ƀòn dờng Tam Kỳ, càr Quảng Nam bơh Ƀộ Lao động, Thương ƀiñ mờ Xã hội geh bơyai lơh tàm mho ngai 10/06, tàm Hà Nội, uă cau geh màng mờ dà lơgar kơ̆p kờñ, broă lòt jòi tơrgùm ƀồc ntìng cau ling chơ̆t màng mờ sền gĭt muh mat ƀồc ntìng cau ling chơ̆t màng gam ờ tơl jơnau yal tơngĭt geh lơh pràn rlau tai. Tàm dơ̆ wă, ala mat Mpồl ala mat cau geh màng mờ dà lơgar càr Dăk Nông mờ ƀòn dờng Tam Kỳ, càr Quảng Nam đơs ngan: Broă lơh dong kờl cau geh màng mờ dà lơgar sùm geh Đảng mờ Dà lơgar sền gròi lam lài. Mơya, dùl tàm ală broă mờ cau geh màng mờ dà lơgar gam kơlôi sơnơng, hơ̆ là broă lơh lòt jòi, tơrgùm ƀồc ntìng cau ling chơ̆t màng mờ sền gĭt muh mat ƀồc ntìng cau ling chơ̆t màng gam ờ hềt tơl jơnau yal tơngĭt pal geh lơh pràn rlau tai.

Mpồl ala mat cau geh màng mờ dà lơgar còp Hà Nội Ƀộ Lao động, Thương ƀiñ mờ Xã hội tơngkah 75 nam Ngai cau ling sồt să cau ling chơ̆t màng 27/07

Đơs tàm dơ̆ wă, Thứ trưởng Ƀộ Lao động, Thương ƀiñ mờ Xã hội ồng Nguyễn Bá Hoan đơs sùm gơwèt mờ ală bơta gam kòl yan tàm broă bơsong sră nggal gam gơ kòl bơh cau geh màng mờ dà lơgar dê; broă lơh lòt jòi tơrgùm ƀồc ntìng cau ling chơ̆t màng mờ sền gĭt muh mat ƀồc ntìng cau ling chơ̆t màng gam ờ hềt tơl jơnau yal tơngĭt bulah kal ke tus bè lơi kung pal pơn jat tai lơh.

Cau mblàng K’Hạnh