VOV4.K’ho- Drim ngai 07/3, tàm thị trấn Plei Kần, kơnhoàl tiah nhàr dà lơgar Ngọc Hồi, Ƀan Thường vụ Tỉñ đoàn Kon Tum bơyai lơh dơ̆ sơn đờm lam lơh Nhai ơruh pơnu mờ Broă lơh nhai 3 tiah nhàr dà lơgar lơgar añ nam 2022.

Jàu sră mờ huy hiệu đoàn ai đoàn viên in

Tàm dơ̆ bơyai lơh, Ƀan Thường vụ Tỉñ đoàn Kon Tum hòi jà kwang bàng, đoàn viên, ơruh pơnu, kơnòm pa tàu, kơnòm dềt tàm nhai 3- Nhai ơruh pơnu nam 2022 tơnguh nugs nhơm lam lài, lơh broă dong kờl is bơh cau kơnòm să dê dờp lơh ală broă lơh, bơnah broă ơruh pơnu gờm chờ Pơrjum dờng Đoàn ală kấp mờ 91 nam Ngai crơng gơs Đoàn Ơruh pơnu Kộng sản Hồ Chí Minh; lam lơh geh cồng nha ală broă lơh rơcang sơndră kòp Kovid-19; sền gàr ờdo ờdă rài kis mpồl bơtiàn; “Hùc dà kah tô dà- Kis git jơnau git adat”, ală broă lơh dong kờl ơruh pơnu sơn đờm mut lơh broă; broă lơh gròi sền ai đoàn viên, ơruh pơnu, kơnòm bơsram, cau bơsram dờng, kơnòm dềt geh rài kis kal ke in,...

Pà kơldung phan gàr tơl niam rài kis ai ơruh pơnu geh rài kis kal ke in

Di dơ̆ do, Đoàn Ơruh pơnu mờ Mpồl cau ùr Ƀộ Kwang àng jàu pà 10 broă lơh bơtàu tơnguh lơh sa geh 1 rbô nơm iar sơntìl deh uă tap ai 10 hìu bơnhă geh sră dong kờl bơh dà lơgar, hìu bơnhă geh rài kis uă kal ke, cau duh broă yàng tàm tiah jơi bơtiàn kòn cau, jat yàng; bal mờ uă bơnah phan pà ai kơnòm bơsram kal ke tàm tiah nhàr dà lơgar càr Kon Tum in.

Cau mblàng K’Duẩn