Tàm hơ̆, “Siêu thị mini sa tềp 0 đông” là broă lơh lời ai ală hìu bơnhă geh rài kis kal ke, cau kuet kơlte mờ cau kòp rƀah in. Tơl sră blơi phan kờp priă 500 rbô đông, cau dờp phan geh rơ wah is ờ sa priă ală bơta phan ngui sa pal geh geh tac tàm siêu thị bè: sơdàng, dà toh, phe, tap, ƀung mi, phan tĕ, ƀañ kèu…

Nam do, broă lơh lời pà 700 sră blơi phan ai cau rƀah tàm ƀòn dờng Buôn Ma Thuột mờ thị xã Buôn Hồ in. Di dơ̆ do, ală mpồl lơh broă Đoàn tàm gùt càr ndrờm geh ală broă lơh mùl màl wèt tus cau rƀah, bè: kham kòp pà sơnơm ờ sa priă, pà phan ngui sa pal geh, lơh hìu nùs nhơm, pà rơndeh coh, pà priă dong kờl bơsram.