Nàng kờñ lơh jat mờ lơh gơ rề uă bơta kuơ pang sră “Kràñ cê, kơ̆ dơn rơcang sơndră sa kuề sa kuà, broă ờ niam, pơgồp bơnah bơt bơtàu Đảng mờ Dà lơgar he ngai sơlơ sàng goh, kơ̆ kơljap, pràn kơldang” bơh Tổng Ƀí thư ồng Nguyễn Phú Trọng dê tàm ală kấp ƀộ Đoàn mờ đoàn viên, ơruh pơnu tàm Gah ală anih lơh broă dà lơgar tàm mho ngai 13/3 tàm Hà Nội, Ƀan Thường vụ Đoàn Gah bơyai lơh cribơyai “Cau kơnòm să Gah ală anih lơh broă dà lơgar kràñ cê kơ̆ nùs rơcang sơndră sa kuề, sa kuà, broă ờ niam”.

Tàm dơ̆ cribơyai, Phó Kwang atbồ Họk viện Cíñ dà lơgar Hồ Chí Minh ồng Lê Văn Lợi đơs loh, do là cribơyai jak chài ai tơnggŏ bơta sền gròi uă bơh cau kơnòm să Gah ală anih lơh broă dà lơgar dê gơ wèt mờ broă lơh rơcang sơndră sa kuề sa kuà, broă ờ niam. Ală jơnau đơs tàm dơ̆ cribơyai neh tơrgùm tàm ală tơngume bè: đal git ală broă sa kuề sa kuà, broă ờ niam, pơn jat tai đơs nền bơta pơn đơl pràn lơh ngan rơcang sơndră sa kuề sa kuà, broă ờ niam bơh Đảng, Dà lơgar lam lơh mờ lơh jat là dùl gùng dà pal geh ờ gơtùi sơ lơ̆u wơl. Lơh loh ală tă pơgồp bơh cau kơnòm să Gah ală anih lơh broă dà lơgar dê tàm broă lơh rơcang sơndră sa kuề sa kuà, broă ờ niam tơngai lài. Bơh hơ̆ ai tơlik ală broă lơh, kơnòl broă nàng kờñ ngui niam rlau tai gơnoar broă, bơta pơn đơl pràn bơh cau kơnòm să Gah ală anih lơh broă dà lơgar dê tàm “Đơs ờ mờ sa kuề sa kuà, broă ờ niam”.