Tàm pơgăp 2 poh do, tàm 2, 3 ngai, ală cau ling, kwang àng tàm kơnhoàl neh pơn diang dà tus dong kờl, dong kờl làng bol in geh dà ngui sa.

Ală xã tiah nhàr dà lơgar gơwèt kơnhoàl Ea Súp là tiah tờm bơh trồ prang càr Dăk Lăk dê. Pah nam tàm tŭ trồ prang dờng den gơtìp tai bơta ờ tơl dà ngui sa, mơya nam do broă ờ tơl dà tus gờñ rơlao mờ uă rơlao. Bơh tơnơ̆ satềp nam pa, mpồl ling, kwang àng tàm kơnhoàl do neh sơn đờm pơn diang dà nàng lòt dong kờl ai làng bol tàm tiah trồ prang in. Thiếu tá Đoàn Huy Tưởng, Kwang atbồ Kwang àng xã Ea Rvê, kơnhoàl Ea Súp, càr Dăk Lăk pà git, pah ngai ală thôn, ƀòn geh tơrgùm khà măt ală hìu ờ tơl dà ngui sa. Tơnơ̆ mờ hơ̆, Kwang àng xã ai geh gùng dà broă pơgồp bal mờ Mpồl lơh sa sền gàr dà lơgar 737 gơwèt Quân khu 5 nàng tàm pơdar bal pơn diang dà tus tàm ƀòn ai làng bol in.