Lơh jăt nền nòn kơnòl broă cíñ trị, jơnau kờñ, tơngu me neh geh ai, pơgồp bal broă pơrlòng lơh ngan jai pha mờ broă pơrlòng kờñ gơboh dà lơgar dê, 5 nam do mpồl ling sền gàr tiah nhàr dà lơgar càr Kon Tum neh bơyai lơh 18 dơ̆ pơrlòng lik lơh broă uă, 11 dơ̆ pơrlòng krăo sền tơrgùm bal lơh gơs jăk chài ală kơnòl kwơ màng, kal ke, uă bơta ờ niam.

Đơs tàm Pơrjum dờng, ala măt Đảng ủy, Mpồl atbồ Mpồl ling sền gàr tiah nhàr dà lơgar, Thiếu tướng Nguyễn Đức Mạnh, Phó Kwang atbồ Mpồl ling sền gàr tiah nhàr dà lơgar neh dờp, jờng rơ, đơs niam cồng nha mờ Cau ling sền gàr Tiah nhàr dà lơgar càr Kon Tum neh lơh geh tàm 5 nam do. Mờ sồr Cau ling sền gàr Tiah nhàr dà lơgar càr Kon Tum pơn jăt tai lơh jăt nền nòn nùs nhơm bơh Củ tịc Hồ Chí Minh dê “Pơrlòng là gơboh dà lơgar, gơboh dà lơgar den pal pơrlòng. Mờ ală cau pơrlòng là cau gơboh mờ dà lơgar ngan”.