Đơs tàm pơrjum cri bơyai, Phó kwang atbồ Ƀan Nội Cíñ Dà lơgar ồng Nguyễn Thái Học đơs loh, mờ gơnoar broă là anih pơlam jơnau jŏ jòng Đảng dê tàm gah nội cíñ, sơndră mờ sa kuề sa koà, ờ niam mờ broă lơh niam wơl tư pháp, Ƀan Nội cíñ Dà lơgar geh Mpồl duh broă Khoa họk ală anih lơh broă Đảng Dà lơgar jào kơlôi sơnơng tơngu me khoa họk tờm nàng bơh tŭ hơ̆ rơcang ai broă sền sơwì ală sră nggal yal Pơrjum dờng dơ̆ XIV Đảng dê.

Tàm pơrjum ală kwang bàng, cau khoa họk geh cri bơyai bal, cri bơyai nàng lơh loh bơta bè: Broă bơtàu tơnguh jơnau git wă lý luận bơh Đảng he dê bè broă pơlam jơnau bơh ală anih lơh broă Đảng tàm Dà lơgar tàm gah nội cíñ, sơndră mờ sa kuề sa koà, bơta ờ niam mờ lơh  tam gơl wơl sền gàr adat boh lam; Sền wơl cồng nha neh lơh geh bal mờ ală broă lơh gam ờ pràn, tài bơta lơi bal mờ jơnau bơsram broă mờng chài tàm broă pơlam jơnau bơh ală anih lơh broă Đảng. Bơh tŭ hơ̆ đơs tus ală broă pa geh ai nàng tơrgùm bơsong mờ ală kơnòl broă broă lơh tờm bơtàu tơnguh mhar, geh jơnau dan geh jơnau sồr, nàng tơnguh uă bơta niam broă pơlam jơnau bơh ală anih lơh broă Đảng dê.