Đơs mờ ală cau ngăc ngar, cau đơs crih tamya, cau cih sră ƀăo, ồng A Pớt, Phó Ƀí thư Thường trựk Tỉñ ủy Kon Tum đơs tờm, nam 2022, càr Kon Tum kong gơtìp mờ uă kal ke, bơta lòng, mơya mờ broă tam klăc bal, ring bal uă, Đảng ƀộ, gơnoar atbồ, ling klàng bal mờ làng bol ală kòn cau neh lơh ngan geh uă cồng nha kwơ màng, tàm hơ̆ geh broă pơgồp bal bơh mpồl cau ngăc ngar, cau đơs crih tamya, cau cih sră ƀăo dê.

Mờ jơnau kơ̆p kờñ mpồl cau ngăc ngar, cau đơs crih tamya, cau cih sră ƀăo pơn jăt tai bal mờ broă tơnguh bơtàu càr dê, ồng A Pớt sồr ală kấp, ală gah lơh broă pơn jăt tai ai tơl bơta ƀuơn nàng mpồl cau ngăc ngar, cau đơs crih tamya, cau cih sră ƀăo lơh broă. Mờ sền gròi bơsong ală jơnau dan di pal gơrềng tus mờ gah lơh broă, gah broă mờ să tờm geh drơng lơh.