Tàm ală jơnau đơs bơh cau tĕ khà dê đơs tàm dơ̆ tìp mat, geh đơs uă ngan là ală bơta gơ kòl bè sră nggal gơnoar atbồ tàm gah ù tiah. Ồng Lương Thanh Bình- Phó Kwang atbồ Sở Tài nguyên mờ Môi trường càr Gia Lai pà gĭt, tàm tơngai tus rơ̆p ntrờn gơnoar pà sră dờp ngui ù bơh hìu bơnhă, cau dồ nă să bơh Cơldŭ lơh broă dan ngui ù kấp càr rê ai cơldŭ lơh broă kấp kơnhoàl in atbồ.

Bơdìh mờ hơ̆, cau tĕ khà kơnhoàl Phú Thiện gam đơs uă jơnau đơs, jơnau dan ndai, bè kal ke ai priă bơcri lơh ală rơndăp broă lơh dềt gơwèt broă lơh jơnau kờñ Dà lơgar bè bơtàu tơnguh lơh sa- mpồl bơtiàn tiah làng bol jơi bơtiàn dồ ết nă cau; broă gròi sền drà phơng sih mờ sơnơm sền gàr phan tam; kal ke tàm broă lam lơh bơto broă tàm tiah làng bol jơi bơtiàn dồ ết nă cau dê.