Ngan ngồn, Mpồl kwang bàng Quôk hội càr Dăk Nông neh lơh 2 dơ̆ dơ̆ tìp mat mờ cau tĕ khà tàm ală xã Trường Xuân, kơnhoàl Dăk Song, xã Dăk Som, kơnhoàl Dăk Glong, yal bè cồng nha pơrjum dơ̆ 7, Quôk hội khoă XV.

Is ồn là tàm pơrjum pa do, Quôk hội neh ring bal Jơnau lơh nền tàm pơrjum bè gùng dà broă lơh bơcri priă lơh rơndăp broă lơh gùng rơndeh lòt mhar tiah đah Tô- đah Jum dà lơgar hờ tiah đah mat tơngai mut gơl Gia Nghĩa, càr Dăk Nông mờ Chơn Thành, càr Bình Phước mờ bơta jòng pơgap 128,8 kơi sồ, kờp jơh priă bơcri 25 rơbô 540 tơmàn đong. Uă cau tĕ khà kơ̆p kơnờm ngan rơndăp broă lơh gờñ lam lơh, nàng gùng rơndeh lòt mhar in gờñ mut lơh, lơh geh jơnau kờñ lòt rê, kă bro mờ dong làng bol ƀuơn tàm broă geh dờp broă drơng ala kham sơm kòp tàm kơnă hơđang.