Tàm dơ̆ pơrlòng, geh 20 nă cau pơrlòng ala măt ală rơndăp broă lơh neh geh jơnau mblàng mờ hơ jơnau lùp bơh mpồl bơyai lơh dê bè rơndăp broă lơh, broă kờñ mŭt lơh bơh să tờm dê.

Do là ală rơndăp broă lơh jăk ngan geh rơwah tơnơ̆ mờ 2 dar pơrlòng lài, lam lơh bơh nhai 2 lài do. Tơnơ̆ mờ mờr 2 nhai lam lơh, dơ̆ pơrlòng neh dờp geh rơlao 100 rơndăp broă lơh, jơnau kờñ lơh bơh ală cau ùr tus bal dê, di pal mờ tơngu me “tam gơl tơlir” tàm lơh sa, kă bro. Ală rơndăp broă lơh, jơnau kờñ lơh mờ ală bơta phan geh uă, krơi is, ngui geh ală bơta pràn bơh ală phan geh lơh tàm càr dê bè kơphe, mak ka, điều, ală bơta phan tam lơh sơnơm; ngui ală phan geh lơh ing mờ phan geh lơh tàm broă lơh sa suơn sre nàng lơh phan geh wơl, phan ngui dùl dơ̆ ƀuơn tơrdih, đềt mềr mờ tiah kis.