Tàm nùs nhơm tàm pơrlòng duh hồl bơh cau ùr gùt lơgar dê gờm chờ tơngkah kir sơnrrai 1983 nam ngai ntàu tam lơh Hai Bà Trưng, 113 nam ngai dunia cau ùr 08/3, drim ngai 08/3, tàm Ƀộ Quôk phòng, Ƀan cau ùr ling klàng bơyai lơh tơngkah kir sơnrai 30 nam Ngai bơhiàn cau ùr ling klàng, Ƀan cau ùr ling klàng mờ dờp Huân cương sền gàr dà lơgar khà 2. Thượng tướng Nguyễn Trọng Nghĩa, Kwang atbồ Ƀan Tuyên giáo dà lơgar neh tus bal mờ đơng lam dơ̆ bơyai lơh.

Đơs tàm dơ̆ bơyai lơh tơngkah kir sơnrai, Thượng tướng Lê Huy Vịnh, Thứ trưởng Ƀộ Quôk phòng ala mat Quân ủy Dà lơgar, Kwang đơng lam bồ Ƀộ Quôk phòng đơs nền ală nam tus, ring lơngai, lơh broă bal mờ bơtàu tơnguh kung gam là gùng dà dờng ngan, mơya bơta tàm dunia mờ tiah do gơlik geh mhar, kal ke, ờ gơtùi git lài. Thượng tướng Lê Huy Vịnh pà git, bơta hơ̆ ai tơlik ală jơnau sồr ngai sơlơ uă gơ wèt mờ kơnòl bơt bơtàu ling klàng, lơh kơ̆ kơljap gah Quôk phòng mờ sền gàr dà lơgar.