VOV4.K’ho- Drim ngai 13/4, tàm Hà Nội geh mut lơh Chờ sră ƀău gùt lơgar nam 2022. Chờ sră ƀău gùt lơgar nam 2022 ờ mìng là ngai chờ bơh cau lơh ƀău mờ làng bol sền sră ƀău gùt lơgar dê mờ gam là jơnau đơs nền dà lơgar neh tam gơl tus tŭ tơngai bè ờs pa tơnơ̆ ală gơ rềng bơh kòp Kovid-19 dê. Do là tŭ nàng jờng rơ bơta bơtàu tơnguh pràn kơldang, ală cồng nha dờng màng bơh Sră ƀău Việt Nam dê, yal tơnggit ală phan bơna sră ƀău gơ jat bal mờ broă lơh broă, bơceh pa bơh ală cau lơh ƀău tàm gùt lơgar dê; mờ kung sơlơ tìp mat lơh quèng đah ală cau lơh ƀău mờ làng bol, bơh hơ̆ pơn jờng cau lơh ƀău lam lơh niam ngan rlau jơh gơnap gơnoar, kơnòl broă, lơh jat jơnau kờñ jơnau tơnggit ngai sơlơ gơguh uă bơh làng bol dê.

Tàm 3 ngai geh lơh Chờ sră ƀău gùt lơgar nam 2022, VOV kung geh dùl broă lơh niam ngan nàng yal tơnggit ală niam chài bơh jơi bơtiàn kòn cau dùl êt nă cau dê, ala mat ai 13 dà đơs mờ VOV gam pờ tơlik tus mờ mpồl bơtiàn cau jơi bơtiàn kòn cau dùl êt nă cau.

Cau mblàng K’Duẩn