VOV4.K’ho- Tàm dơ̆ lòt còp ngan ngồn lơgar Việt Nam bơh Thủ tướng lơgar Malaysia dê mờ Mpồl kwang bàng kâp dờng ala măt Cíñ phủ lơgar Malaysia, mho ngai 20/03, Thủ tướng lơgar Malaysia bal mờ bàr pe nă kwang bàng kâp dờng lơgar Malaysia dê neh geh dơ̆ tìp măt mờ 3 mpồl lơh sa kă bro lơgar Việt Nam dê, là: Tập đoàn Sovico; Bơ̆t bơtàu Hòa Bình mờ Gami. Tàm dơ̆ tìp măt, Thủ tướng Malaysia kơ̆p kờñ mpồl lơh sa kă bro bơh 2 lơgar dê pơn jăt tai lơh broă bal tàm uă gah broă kwơmàng, bè: Gùng lòt pơndiang, nhơl chờ, lơh broă...

Do là ală gah broă neh gơtìp kong ờ lơh tài bơh kòp dờng mờ digơlan geh “tơnguh pràn” gơguh wơl tàm tơngai tus. Ƀộ Thương mại mờ Kông nghiệp dunia lơgar Malaysia đơs: Việt Nam mờ Malaysia đơs ngan là geh uă bơta pràn dong lơh tơnguh lơh broă bal đah 2 gah tàm tơngai tơnơ̆ tơngai gơbàn kòp dờng Kovid-19, ngan là gah broă lơh kă bro mờ bơcri priă.

Cau mblàng Lơ Mu K’Yến