Di tơngkah kir sơnrai 68 nam Ngai Cau lơh sơnơm Việt Nam (27/02/1955- 27/02/2023), mho ngai 27/02, Củ tịc Quôk hội ồng Vương Đình Huệ neh lòt còp, nting bơr gờm chờ mờ pơndờm pơnđiang ală giáo sư, ƀak sĩ mờ cau lơh sơnơm bal mờ jơh ală kwang bàng, cau lơh broă, cau ling, cau lơh broă gam lơh broă tàm Hìu sơnơm 108.

Ala măt Kwang bàng đơng lam bồ Đảng, Dà lơgar, Củ tịc Quôk hội ồng Vương Đình Huệ jờng rơ, chờ hờp bal, kah rơngal mờ ưn ngài uă ngan mpồl kwang bàng cau lơh sơnơm mờ cau lơh broă gah lơh sơnơm tàm jơh gùt lơgar đơs bal mờ mpồl kwang bàng, ală cau lơh sơnơm mờ cau lơh broă tàm Hìu sơnơm 108 đơs is tài bơh ală tă pơgồp, lơh ngan pơđơl pràn jơh nùs jơh tồr mờ ală cồng nha dờng ngan neh lơh geh tàm tơngai lài. Củ tịc Quôk hội ồng Vương Đình Huệ pin dờn là, ală kal ke bơh gah lơh sơnơm dê mìng là ing gời lơm mờ tơngkah kir sơnrai 68 nam rơ̆p là tŭ nàng gah lơh sơnơm tơrgùm bal pràn, dùl nùs dùl tồr bal mhar sơrlèt gan jơh ală kal ke; mơkung kơ̆p kờñ mpồl cau rlau 500 rbô nă kwang bàng, cau lơh sơnơm Việt Nam đơs bal tàm jơh ală ù tiah ƀòn lơgar bơh Dà lơgar dê đơs bal, kwang bàng, cau lơh sơnơm bơh Hìu sơnơm 108 dê, ală cau lơh sơnơm, cau pơgru, cau ling sùm jơh nùs jơh tồr, kơ̆p kờñ sùm tă pơgồp dà kơlhề lơh gơs jak ngan kơnòl broă dờng màng ngan bơh he dê tàm broă lơh bơ̆t mòn kòn bơnus mờ dong kờl cau.