VOV4.K’ho- Pơn jat tai dơ̆ pơrjum Cíñ phủ ờs mờng nhai 7 nam 2022, mho ngai 03/8, Cíñ phủ cribơyai bè broă lam lơh ai priă bơcri dà lơgar. Đơs tàm dơ̆ pơrjum, Thủ tướng ồng Phạm Minh Chính đơs loh, pa do, Cíñ phủ pơn jat tai sồr 6 mpồl lơh broă pơrjum mờ ală ƀộ, gah broă lơh dà lơgar, ală càr, ƀòn dờng jòi git jơnau bơh tài gơlik geh nàng lam lơh niam rlau tai broă ai priă bơcri dà lơgar.

Gùt anih pơrjum

Bơh bơta geh ngan neh đơng lam, pơlam, sền sơwì, jat sền pa do bơh ală mpồl lơh broă dê neh ai tơlik jơnau đơs, jơnau sền sơwì pal mblàng lơh loh jơnau bơh tài mờ dùl khà uă ngan priă bơcri dà lơgar lam lơh broă lơh bơtàu tơnguh wơl mờ bơtàu tơnguh lơh sa lơyài geh ai. Thủ tướng sồr pal jòi git loh jơnau bơh tài, bơta lơi là broă gơwèt hờ kơrnuat boh lam, kơrnuat boh lam do gơwèt hờ cau lơi, gơwèt hờ Cíñ phủ den Cíñ phủ pal lơh, gơwèt ală ƀộ den ală ƀộ pal lơh.

Cau mblàng K’Duẩn