Thủ tướng đơs nền, Cíñ phủ lơgar Việt Nam sùm lam sồr ală mpồl lơh sa kă bro lơgar Lo pờ ơnàng broă lơh broă bal, tơnguh bơcri priă tàm ală gah lơgar Lo geh bơta pràn, lơgar Việt Nam kờñ mờ ai lài uă, bè tam gơl bơceh lơh, tam gơl sồ, tiah drà ngăc ngar, lơh sa mờ măi mok lơh gơs phan bơna geh bơta niam uă, lơh gùng lòt ù gờl, gùng rơndeh ồs, lơh sơnơm, bơto bơtê mờ bơsram…, lơh mờ lơh jăt ală rơndăp broă lơh broă bal mùl màl tàm mpồl ală gùng dà broă lơh bal đah bàr lơgar neh geh lơh mờ ală gùng dà broă lơh bal uă gah mờ bàr lơgar geh tus bal.

Thủ tướng kung kơ̆p kờñ ală mpồl lơh sa kă bro dờng lơgar Lo lơh broă bal nàng gờñ geh ală rơndăp broă lơh dờng, bơta chài uă mờ gơdờp mờ jơnau kờñ lơgar Việt Nam dê, ngui ală broă lơh sa kă bro kơl jăp tàm gah lơh sa tơlir, lơh sa sồ, lơh sa ngăc ngar, ai tơl bơta niam ală mpồl lơh sa kă bro lơgar Việt Nam tus bal mpồl geh kwơ, mpồl ai phan bơh ală tập đoàn, bơh tiah do, gùt plai ù.