Jăt mờ hơ̆, Pơrjum ni sơna dơ̆ bàr geh pơrjum rơcang lài tàm mho do (04/01) mờ sơn đờm pơrjum tàm ngai 05 nhai 01. Jăt kờp dŭ broă bơyai lơh pơrjum, Quốk hội geh pơrjum tơrgùm tàm tơngai 04 ngai (kờp dŭ tơn jơh tàm ngai 09 nhai 01 tus).

Tàm pơrjum do, Quốk hội sền wơl uă tơngu me kwơ màng, nàng lơh nền ală broă jal mhar, geh kwơ, di pal mờ di tŭ jăt jơnau kờñ bơh rài kis dê. Tàm pơrjum do, tơngu me kwơ màng geh Quốk hội kờp dŭ ring bal là rơndăp broă cih Nghị quyết bè rơndăp ù tiah kấp dà lơgar tơngai bơh nam 2021 tus 2023, wèt tus nam 2050. Jăt mờ hơ̆, tơngu me mìng tơrgùm tàm bơta nhàr ù tiah; nùs nhơm, kơlôi sơnơng mờ jơnau kờñ tơnguh bơtàu; ală kơnòl tờm tàm tơngai rơndăp ù tiah; gùng dà tơnguh bơtàu lơh sa mpồl bơtiàn gơwèt mờ ală tiah pràn dà lơgar.