VOV4.K’ho- Drim ngai 12/01, tàm Gơlăng Củ tịc, Cơldŭ lơh broă Củ tịc lơgar bơyai lơh pơrjum tơn jơh broă lơh nam 2021 mờ lam lơh kơnòl broă nam 2022. Đơs tàm pơrjum, Củ tịc lơgar ồng Nguyễn Xuân Phúc đơs niam Cơldŭ lơh broă Củ tịc lơgar nam 2021 neh geh nùs nhơm pa, bơta lơh ngan pa tàm broă lơh ai tơlik jơnau đơs, jơnau bơceh pa, drơng lơh.

Tơnguh bơhiàn ờs mờng hơ̆, nam 2022, Cơldŭ lơh broă Củ tịc lơgar pal rơcang lài git gŏ broă gơlik geh, jat tàm broă gơlik geh ngan ngồn dà lơgar dê nàng lơh niam rlau tai broă lơh ai tơlik jơnau đơs, jơnau bơceh ai Củ tịc lơgar mờ Phó Củ tịc lơgar in; tơnguh bơhiàn ờs mờng tam klac bal, lam lơh geh cồng nha rlau tai broă lơh ai tơlik jơnau đơs, tơrgùm, tă pơgồp ai cồng nha bơh dà lơgar dê in. Củ tịc lơgar kung đơs nền, Kwang bàng Cơldŭ lơh broă Củ tịc lơgar pal tơnguh nùs nhơm lơh krơh lài, git wă is pơlam tàp, rơcang lài kơlôi sơnơng, tơnguh pràn jak, bồ tơngoh bơsram sră nàng lơh gơs niam kơnòl broă ai tơlik jơnau đơs, jơnau bơceh mờ Đảng, dà lơgar jàu.

Cau mblàng K’Duẩn