Ci ƀộ thôn 10A geh Đảng ƀộ xã Ea Kly, kơnhoàl Krông Păc, càr Dăk Lăk rwah lơh tơrlòng lài bơ̆t bơtàu broă lơh “Ci ƀộ 4 niam”. Jăt mờ hơ̆, Ci ƀộ pal lơh geh ală broă jàu: Lơh sir jak kơnòl broă cíñ trị, cồng nha pơrjum niam, tam klăc niam, duh rơngòt adăt boh lam niam, kwang bàng niam, đảng viên niam. Nàng lơh geh bơta do, ồng Trần Ngọc Quang, Ƀí thư Ci ƀộ thôn 10A pà gĭt: Ci ủy neh jăt tàm bơta geh ngan bơh tiah he dê mờ bơta pràn bơh tơl nă đảng viên dê pơrjum tàm bơyai, ring bal jàu kơnòl broă loh làng ai tơl nă cau in lơh jăt. Mìng tơnơ̆ 3 nhai lam lơh, broă lơh ci bộ dê gơlòt mŭt tàm bơta rơndăp tăp sèng, gĭt wă bơh đảng viên dê geh tơnguh tai, lơh geh cồng nha gơnoar broă đơng lam bè bơtàu tơnguh lơh sa- mpồl bơtiàn bơh tiah he dê. Ồng Trần Ngọc Quang, đơs: Ci ƀộ, kấp ủy Ci ƀộ pơrjum geh lơh nền jơnau tă pơgồp tàm dơ̆ pơrjum (Nghị kwết) tam bơkàu tềng kềng 2 gah gùng lơh geh ù tiah niam bơnĕ ƀòn lơgar niam bơnĕ, lam lơh crăp ală măy camera sền gàr bơta lơngăp lơngai tàm tiah tờm. Lơh ai làng bol in geh bơta pin dờn tàm Ci ƀộ kung bè iang nùs lơh broă lơh sa nàng tơnguh tai priă lơh geh, tam gơl niam rài kis làng bol tàm ƀòn lơgar dê.

Đảng ƀộ xã Ea Sin, kơnhoàl Krông Búk, càr Dăk Lăk geh 13 Ci ƀộ gơ wèt bal, bal mờ 150 nă đảng viên. Tơnơ̆ tŭ geh Đảng ƀộ kơnhoàl rwah lơh jăt lơh tơrlòng lài broă lơh “Ci ƀộ 4 niam”, Đảng ủy xã Ea Sin neh cih mờ ai lơh jăt broă rơndăp lơh, bơyai lơh dơ̆ lam lơh, kĭ hơ pơrgon tàm pơrlòng bơ̆t bơtàu “Ci ƀộ 4 niam” tàm 4 Ci ƀộ, geh: Ci ƀộ Ling klàng xã, Ci ƀộ ƀòn Ea Káp, Ci ƀộ ƀòn Ea Kring mờ Ci ƀộ ƀòn Ea Sin. Nàng kờñ dong kờl ală Ci ƀộ lơh jăt naim kơnòl broă, ồng Vũ Văn Tuấn, Ƀí thư Đảng ủy xã Ea Sin, kơnhoàl Krông Búk, càr Dăk Lăk pà gĭt: bal mờ broă jàu ală oh mi tàm kâp ủy drơng kơnòl broă, jăt sền, pơlam ală ci ƀộ lam lơh tơrlòng lài broă lơh, Đảng ủy xã neh ngui phần mềm pang sră cih tê dềt đảng viên tus tơl Ci ƀộ nàng pơgồp bơnah tơnguh uă cồng nha pơrjum. Ồng Vũ Văn Tuấn, đơs: Đảng ƀộ xã Ea Sin neh lam lơh phần mềm pang sră cih tê dềt đảng viên nàng lơh jăt ngan ngồn broă lơh tam gơl sồ tàm broă lơh bơ̆t bơtàu Đảng. Bơh ală tŭ lam lơh neh cèng wơl ală bơta ƀươn loh làng ngan. Pơnrơ bè ală jơnau yal, jơnau đơs pơndŭt bơh đảng ủy, bơh kấp hơđăng dê ndrờm geh yal di tŭ tus ală ci ƀộ in. Bơh hơ̆ ală ci ƀộ yal tus tơl nă đảng viên nàng jăt sền, gĭt wă sùm tơnguh uă cồng nha pơrjum ci ƀộ tàm ƀòn lơgar tàm broă bơ̆t bơtàu Ci ƀộ 4 niam.

Bơh tŭ lơh jăt lơh tơrlòng lài broă lơh “Ci ƀộ 4 niam”, jơh 5 ci ƀộ geh rwah lơh tơrlòng lài broă lơh tàm Đảng ƀộ kơnhoàl Krông Păch, càr Dăk Lăk neh lơh jăt ngan ngồn srơh tàm pơrlòng dipal mờ bơta geh ngan bơh tiah he dê, anih lơh broă he dê. Ồng Trần Quốc Vĩnh, Phó Ƀí thư Huyện ủy kơnhoàl Krông Păch, càr Dăk Lăk đơs là: bơh ală broă lơh do neh lơh gơlik geh nùs nhơm tàm pơrlòng duh hồl tàm jơh gùt Đảng ƀộ kơnhoàl, pơgồp bơnah tơnguh uă pràn jak đơng lam, bơta pràn tam lơh bơh mpồl đảng dê mờ cồng nha mpồl kwang bàng, đảng viên dê. Ồng Trần Quốc Vĩnh, đơs: Uă Ci ƀộ neh geh bơta sền swì, cih jơnau lơh nền tàm pơrjum dipal mờ bơta geh ngan bơh tiah he dê. Dơ̆ bàr tai là pơgồp bal kơnòl bơh cau đảng viên dê, ngan là cau lam bồ. Tài bè hơ̆ mờ jàu broă, jàu kơnòl broă ai kwang bàng đảng viên in loh làng ngan, dipal mờ ngan mờ bơta geh ngan. Bơh hơ̆ cồng tàm pơrjum mờ mùl màl là 4 tơngume bol añ lam lơh geh rơndăp tăp sèng, wil tơl rlau.

Nàng srơh tàm pơrlòng bơ̆t bơtàu “Ci ƀộ 4 niam”, Đảng ƀộ kâp hơđơm 4 niam” geh lơh jăt sùm, sùm sùm lơh gơlik geh nùs nhơm tàm pơrlòng duh hồl, geh kwơ ngan, Ƀan Cấp hàñ Đảng ƀộ càr Dăk Lăk neh bơyai lơh Dơ̆ lam lơh srơh tàm pơrlòng tàm jơh gùt đảng ƀộ. 20 Đảng ƀộ gơ wèt Tỉñ ủy càr Dăk Lăk neh kĭ hơ jơnau pơrgon tàm pơrlòng bơ̆t bơtàu “Ci ƀộ 4 niam”, “đảng 4 kâp hơđơm 4 niam” tơngai bơh nam 2023- 2028. Bơh do, Mpồl Lơh kơnòl broă sùm ală Huyện ủy, Thị ủy, Thàñ ủy mờ ală Đảng ủy gơ wèt Tỉñ ủy geh broă rơndăp lơh, lam lơh cih mat dan tàm pơrlòng “Ci ƀộ 4 niam”, “Đảng ƀộ kấp hơđơm 4 niam”. Pah nam ai jơnau bơsram mờng chài mờ pơn jăt tai rề ơnàng nàng wèt tus gơgơs jơnau sồr bơh Ci ƀộ, Đảng ƀộ kâp hơđơm dê. Ồng Y Biêr Niê, Phó Ƀí thư Tỉñ ủy càr Dăk Lăk, pà gĭt: Bơ̆t bơtàu Ci ƀộ 4 niam, Đảng ƀộ 4 nam do rơ̆p mìng là broă sơnrờp lơm mơya gơ kung là cơng tàng nàng ai ală ci ƀộ, ală đảng ƀộ kấp hơđơm sền swì wơl ală kơnòl broă kờñ pal lơh jăt tàm nam 2024 mờ ală nam pơn jăt tai.

Bơh lơh gơtùi ală broă lơh tơrlòng lài “Ci ƀộ 4 niam”, uă tiah tàm càr Dăk Lăk gam rơhời rề ơnàng lơh uă tus jơh ală ci ƀộ, đảng ƀộ. Do geh sền là broă lơh kwơmàng nàng kờñ lơh gơlik bơta tam gơl pràn kơldang tàm broă tơnguh uă bơta pràn jak đơng lam, bơta pràn tam lơh bơh mpồl Đảng dê mờ cồng nha mpồl kwang bàng, đảng viên bơh càr dê lơh geh jơnau kờñ kơnòl broă tàm bơta pa.