Bal mờ gùt lơgar,  8 jiơ drim ngai 18/07, Mpồl duh broă pơrlòng jơh bơsram kấp pe nam 2023 càr Kon Tum dê neh yal điềm pơrlòng jơh bơsram kấp pe jat di tơngai bơh Ƀộ Giáo dục mờ Đào tạo dê. Jat hơ̆, khà gơ kờn jơh bơsram kấp pe nam do càr Kon Tum lơh geh 98,74% gơguh 1,0% pơndrờm mờ nam 2022. Điềm kờp bal môn pơrlòng jơh bơsram kấp pe geh 6,19 điềm.

Tơrgùm kờp bơh Ƀộ Giáo dục mờ Đào tạo dê pà gŏ càr Kon Tum gơguh 6 khà bè điềm kờp bal jơh pơrlòng kấp pe nam 2023 pơndrờm mờ nam 2022, ơm dơ̆ 2 tàm tiah Tây Nguyên dê. Dơ̆ pơrlòng jơh bơsram kấp pe nam 2023 geh bơyai lơh bơh ngai 28 tus ngai 29 nhai 6 nam 2023 càr Kon Tum geh 5 rơbô 028 nă cau pơrlòng tus bal pơrlòng, tàm hơ̆ geh rlau 1 rơbô 700 nă cau pơrlòng là làng bol kòn cau dùl ết nă cau. Cau pơrlòng tus bal sền sơ wì jơh bơsram kấp pe là 4 rơbô 843 nă cau. Jơh gùt càr geh 12 tiah pơrlòng ngan ngồn mờ 224 cơldŭ pơrlòng. Dơ̆ pơrlòng geh đơs là geh bơyai lơh lơngap lơngai, niam mờ di mờ jơnau sồr.