Thượng tướng Lương Tam Quang, Thứ trưởng Ƀộ Kwang àng lơgar Việt Nam mờ Phó Kwang atbồ Anih lơh broă Kảñ sát lơgar Nhờk ồng Ogata Yoshimi đơng lam bal dơ̆ Cri bơyai.

Thứ trưởng ồng Lương Tam Quang đơs loh, Cri bơyai dơ̆ do là dơ̆ nàng bàr anih lơh broă geh sền wơl cồng nha neh lơh geh; tam pà bal, lơh broă bal, cri bơyai bal song dơ pă bè ală tơngu me bàr gah geh sền gròi; ring bal gùng dà broă lơh bàr gah geh sền gròi bal; ring bal gùng dà geh ai, tơngu me lơh broă bal mùl màl, geh cồng nha rơlao tai, bơsong niam ală broă cau tìs bàr lơgar tàm bơta pa, di pal mờ bơta kờñ broă sền gàr bơta lơngăp lơngai, tam dră, sơndră mờ cau tìs; pơgồp bal tàm broă tơnguh uă nùs nhơm pin dờn đah bàr gah, tài bơta kwơ bal đah bàr lơgar, mờ pơgồp bal tàm broă gàr niam bơta ring lơngai, ring niam mờ tơnguh bơtàu tàm tiah do. Tàm Cri bơyai, bơh nùs nhơm git gơ̆p, lơh bơyô bal, pin dờn bal mờ git wă bal, bàr gah neh ring bal pal pơn jăt tai lơh pràn bơta git gơ̆p, lơh broă bal mùl màl, geh cồng nha, lơh broă bal nền nòn rơlao tai tàm broă pơgồp bal tam dră, sơndră mờ cau tìs, gàr niam rài kis lơngăp lơngai, gơboh gơbài ai làng bol bàr lơgar Việt Nam mờ Nhờk in.