Cri bơyai gam geh broă tus bal bơh mờr 500 nă kwang bàng ala măt là kwang đơng lam, kwang đơng lam Đảng, Dà lơgar lài do, ală ƀộ, gah lơh broă dà lơgar; ală tướng ling, sĩ quan, kwang đơng lam ală càr, ƀòn dờng; ală hìu bơsram, anih kơlôi sơnơng, cau jăk chài, ală cau lơh broă khoa họk, ală cơng tàng rài lài do là cau tus bal tàm rài tam lơh pha lin Điện Biên Phủ.

Đơs Sơn đờm Cri bơyai, Đại tướng Lương Cường, Kwang geh jơng tàm Ƀộ Cíñ trị, Kwang geh jơng tàm mpồl duh broă sùm Quân ủy Dà lơgar, Củ tịc Tổng kụk cíñ trị Ling klàng làng bol Việt Nam đơs nền: Dơ̆ cri bơyai khoa họk ngai do là dùl tàm ală broă lơh mùl màl chờ gờm Tơnkah 70 nam ngai tam lơh pha ling Điện Biên Phủ (1954-2024); là dơ̆ nàng gùt Đảng, gùt làng bol, gùt ling klàng kah wơl bơhiàn tam lơh pràn kơl dang, jăk chài bơh ală rơnàng ồng pàng dê, kah tus làng bol, oh mi neh tam lơh mờ khin cha phi să tàm rài tam lơh tơnkàs dà lơgar.