Do là pơrjum nàng ală càr Tiah tàm gùl lơgar mờ Tây Nguyên đơs bal mờ càr Quảng Ngãi đơs is tam pà bal broă mờng chài, broă lơh bơceh pa, kung bè đơs tus ală bơta kal ke, bơta lòng bơh tiah do dê nàng ală anih lơh broă dà lơgar jòi broă bơsong.

Jơh Pơrjum, Ƀộ trưởng-Củ ñiệm Ủy ƀan Zân tộk ồng Hầu A Lềnh kơ̆p kờñ geh pơn jăt tai dờp geh ală jơnau đơs pơgồp bal song dơ pă, di tŭ bơh ală càr dê. Mờ hơ geh pơgồp bal nền nòn mờ ală anih lơh broă Dà lơgar bal mờ anih lơh broă kòn cau tàm ală càr, tàm hơ̆ uă ngan là ală càr Tiah tàm gùl lơgar mờ Tây Nguyên mờ Đông Nam Ƀộ lơh ngan lơh geh cồng nha mờ lơh gơs 100% ală jơnau kờñ geh ai tàm Kơrnoăt sồ 1719 ngai 14 nhai 10 nam 2021 bơh Thủ tướng Cíñ phủ dê.