Củ tịc VCCI ồng Phạm Tấn Công đơs là, dunia kung bè Việt Nam neh lòt gan ală bơta tam gơl bơh tŭ geh kòp dờng Kovid-19 lơh gơlik geh bơta kal ke, gơ kòl, ơm ing tàm broă lơh sa kă bro mờ ală anih lơh broă sa, tăc bro phan bơna gùt plai ù.

Ală bơta do gam ai tơlik jơnau sồr Mpồl lơh sa kă bro pal rơndap wơl bè lơi nàng gam lơh broă mờ bơtàu tơnguh. Tàm dơ̆ cribơyai, ală kwang bàng neh jờng rơ ală bơta tờm gơrềng tus gơguh lơh sa mờ broă lơh kă bro bơh ală mpồl lơh sa kă bro Việt Nam dê, sền gĭt ală tŭ tơngai niam kờñ lơh ngan nàng mpồl lơh sa kă bro in rề ơnàng drà kă bro tăc phan mờ lơgar ndai, gơ hòi gơ jà bơcri priă lơh bơta niam uă mờ ală bơta pràn dong kờl bơtàu tơnguh.