VOV4.K’ho- Tàm dơ̆ bơyai lơh Broă lơh tìp măt Gia Lai- Nhờk nam 2022 tàm ngai 22/05, Sở Ngoại vụ càr Gia Lai pơgồp bal mờ Anih tờm Drơng broă Lơh broă mờ lơgar ndai mờ Pơrjum Dunia- FSC (Sở Ngoại vụ ƀòn dờng Hồ Chí Minh) mờ Anih tờm tìp măt lơh kwèng Việt Nam mờ Nhờk bơyai lơh pơrjum “Bơta pràn mờ tŭ niam bơcri priă đah Gia Lai mờ ală tiah bơh lơgar Nhờk dê” tàm ƀòn dờng Pleiku.

Tàm pơrjum, ồng Shimiru Akira, Kwang ătbồ mpồl ala măt Cơldŭ lơh broă anih lơh broă lơh broă bal dunia lơgar Nhờk (JICA) tơlik nùs nhơm kơ̆p kờñ, càr Gia Lai pơn jăt tai lơh niam wơl bàr pe broă nàng ală mpồl lơh sa kă bro lơgar Nhờk dê iang nùs bơcri priă jŏ jòng. Ồng Hồ Phước Thành, Phó Củ tịc Ủy ƀan Ñân zân càr Gia Lai pà gĭt, broă lơh pràn gơhòi gơ jà ală priă jền bơcri bơtàu tơnguh lơh broă sa sươn sre, lơh sa mờ măy mok lơh gơlik phan, lơh sa mờ măy mok năng lượng lơh geh wơl mờ nhơl chờ geh càr sền là dùl tàm ală kơnòl broă tờm tàm tơngai lơh broă bơh nam 2020- 2025. Gia Lai kơ̆p kờñ hòi jà mpồl lơh sa kă bro lơgar ndai, tàm hơ̆ geh mpồl lơh sa kă bro tus bơh Nhờk bơcri priă tàm ală gah tàm tiah do.

Cau mblàng Lơ Mu K’Yến