Tus bal Crbơyai do geh ồng Trần Tuấn Anh, Kwang bàng Ƀộ Cíñ trị, Kwang ătbồ Mpồl Lơh sa Dà lơgar, ala măt ală ƀộ, ngàñ, kwang đơng lam bồ 5 càr tiah Tây Nguyên, ală cau jak chài gah lơh sa, cau kơlôi sơnơng jak chài, ală mpồl lơh sa kă bro. Tàm dơ̆ Cribơyai, ală kwang bàng neh song dơ pă yal ală bơta gam gơkòl ờ hềt dipal tàm broă ătbồ, sền gàr mờ tam pa, tam wơl brê bơh Tây Nguyên dê tŭ do. Hơ̆ là bă brê gơtìp gơmù bơta niam mhar ngan tài bơh jơnau mus kơl brê, sơgràm ù brê, koh kơl dơm chi brê tìs mờ adat boh lam. Broă lơh pờng wơl cau lơh jăt kơnòl broă dà lơgar sền gàr brê pơn jăt tai gơbàn kal ke bal mờ broă gơlik geh ngai sơlơ kơn jơ̆ kơn jŭt ngan. Broă lơh mblàng yal hòi jà bulah lơh jăt sùm mơya cồng nha lơh geh ờ hềt uă...Ală jơnau cih tă pơgồp jơnau đơs geh sền tàm dơ̆ cribơyai neh đơs uă tàm ală broă bè sền swì gùng dà broă lơh, adat boh lam ù tiah gam geh ngui tŭ do; mblàng sền bàr pe broă dong kờl lơh geh bơta gơn kơnờm chồl tơnguh, tơnguh uă cồng nha ătbồ, sền gàr, tam pa mờ tam wơl brê.