Cribơyai Bơtàu tơnguh lơh sa mpồl bal, hợp ták xã tàm tŭ tơngai pa
Thứ sáu, 08:31, 07/04/2023
Cau mblàng K'Duẩn/ VOV
Cau mblàng K'Duẩn/ VOV
VOV4.K'Ho - Di tơngkah 77 nam Ngai Hợp ták xã Việt Nam (11/4), drim ngai 06/4, Ƀan jơnau yal tơnggit jơnau gơlik geh pah ngai, Anih jơnau đơs Việt Nam pơgồp bal mờ Mpồl tam klac Hợp ták xã Việt Nam bơyai lơh Cribơyai “Bơtàu tơnguh lơh sa mpồl bal, hợp ták xã tàm tŭ tơngai pa”.
Ƀộ trưởng Ƀộ Nông nghiệp mờ Phát triển Nông thôn ồng Lê Minh Hoan neh tus bal mờ đơs tàm dơ̆ cribơyai. Broă lơh geh tam pà gơs 2 dơ̆ geh tơngume: “Jơnau git wă di nàng geh broă lơh dipal mờ mpồl lơh sa mpồl bal” mờ “Tam gơl, Adat Hợp ták xã nam 2012- Bơta gơn kơnòm pa ai lơh sa mpồl bal in”.
Tàm dơ̆ cribơyai, ală kwang bàng tơrgùm lơh loh rlau gơnoar broă bơh lơh sa mpồl bal dê, tàm hơ̆ tờm ngan là hợp ták xã, bơta pal geh pal gờñ lơh sir mpồl lơh broă, tơngume adat boh lam, tàm hơ̆ bơta tờm ngan là tam gơl Adat Hợp ták xã nàng sơlơ tơnguh lơh sa mpồl bal mờ hợp ták xã kơ̆ kơljap, pràn kơldang; ală jơnau bơsram bơtàu tơnguh lơh sa mpồl bal mờ Hợp ták xã tàm dunia mờ tàm Việt Nam.
Viết bình luận