VOV4.K’ho- Tàm Hìu lơh broă Quôk hội, Ủy ƀan Niam chài, bơto bơsram bơh Quôk hội dê pơgồp bal mờ Ƀộ Lao động, Thương ƀiñ mờ Xã hội mờ Ủy ƀan dà lơgar bè ơruh pơnu Việt Nam bơyai lơh Cribơyai broă lơh dà lơgar gơ wèt tus mờ ơruh pơnu nam 2022 mờ tơngume “Bơto bơtê broă lơh ai ơruh pơnu in”.

Tàm cribơyai, ală kwang bàng neh cribơyai 2, 3 broă kuơmàng bè: Ală gùng dà, broă lơh bơh Đảng, dà lơgar dê bè bơto bơtê broă lơh ai ơruh pơnu in; broă lơh bơto broă lơh ai ơruh pơnu ƀòn lơgar, ơruh pơnu kông ñân, ơruh pơnu kuet kơlte, ơruh pơnu jơi bơtiàn kòn cau dùl êt nă cau, cau neh rê bơh lòt ling, kơnòm bơsram, cau bơsram dờng; ală broă lơh dong kờl, jơnau dan bè bơto bơtê broă lơh ai ơruh pơnu in tàm tơngai kòp Kovid-19 mờ dơ̆ kac màng kông nghiệp dơ̆ 4, bal mờ ală broă ndai geh gơ rềng. Cribơyai kung là tŭ niam nàng ơruh pơnu tam pà bơta kơp kờñ, tơlik jơnau dan mờ ală anih lơh broă dà lơgar bè broă bơto bơtê broă lơh ai ơruh pơnu in. Bơh hơ̆ dong anih lơh broă geh gơnoar git mờ bơsong ală broă geh gơ rềng, pơgồp bơnah tơnguh jơnau git wă bơh ơruh pơnu mờ gùt mpồl bơtiàn dê bè broă bơto broă lơh.

Cau mblàng K’Duẩn