VOV4.K’ho- Di dơ̆ Mpồl Kwang bàng kâp dờng ala măt Quôk hội lơgar Kộng hoà Zân củ Làng bol lơgar Lào còp mờ lơh broă tàm Việt Nam mờ tus bal lơh ală broă lơh “Nam Tam klăc Lơh bơyô bal” tơngkah kir sơnrai 60 nam Ngai lơh bơta gĭt gơ̆p cribơyai broă mờ lơgar ndai mờ 45 nam Ngai kĭ Hiệp ươk Lơh bơyô bal- Lơh broă bal Việt Nam mờ Lào, tàm mho ngai 19/07, Mpồl kwang bàng Quôk hội Việt Nam bơh Ủy viên Ƀộ Cíñ trị, Phó Củ tịc duh broă sùm Quôk hội Việt Nam ồng Trần Thanh Mẫn lơh kwang ătbồ mpồl neh geh dơ̆ Cribơyai mờ Mpồl kwang bàng Quôk hội lơgar Lào bơh ồng Xunthon Xannhachac, Phó Củ tịc Quôk hội lơgar Lào lơh kwang ătbồ mpồl.

Mờ jơnau kơ̆p kờñ sùm tơnguh uă rlau tai bơta niam lơh broă bal đah bàr lơgar tàm tơngai tus, bàr Quôk hội ring bal ai lài lam lơh jăt gơtùi Jơnau ring bal đah bàr Ƀộ Cíñ trị nam 2022, Jơnau ring bal lơh broă bal đah bàr Quôk hội; Sơlơ cribơyai bơta mờng chài lơh gùng dà broă lơh, kơrnoăt boh lam tàm ătbồ dờng mờ bơtàu tơnguh wơl lơh sa- mpồl bơtiàn tàm bơta “bè ờs pa”; lơh tơnguh uă rlau tai cồng nha lơh broă bal tàm gah năng lượng, bơto bơtê, lơh sơnơm, lòt rê làng bol mờ lơh broă bal đah ală tiah, ngan là lơh broă bal đah ală mpồl kwang bàng Quôk hội, Hội đồng Ñân zân ală tiah bơh bàr lơgar dê.

Cau mblàng Lơ Mu K’Yến