VOV4.K’ho- Nàng kờñ pơgồp bơnah lơh loh ală bơta kwơ jak chài- bơta geh ngan bơh bồ tơngoh Hồ Chí Minh dê bè tơnguh uă nùs nhơm kăc màng, jùt sang jơh nùs nhơm să tờm is, gờm chờ tơngkah kir sơnrai 132 nam Ngai deh Củ tịc Hồ Chí Minh, drim ngai 12/05, tàm Hà Nội bơyai lơh Cribơyai jak chài kâp dà lơgar, ràng tơlik rùp mờ sră “Tơnguh uă nùs nhơm kăc màng, jùt sang jơh nùs nhơm să tờm is jăt bồ tơngoh, nùs nhơm, rài kis mờ broă lơh Hồ Chí Minh dê”.

Ồng Võ Văn Thưởng, Ủy viên Ƀộ Cíñ trị, Duh broă sùm Ƀan Ƀí thư tus bal mờ đơng lam cribơyai. Ală jơnau cih tă pơgồp jơnau đơs tàm dơ̆ cribơyai neh lơh loh bè anih bơh bồ tơngoh nùs nhơm Hồ Chí Minh tàm ală bồ tơngoh Ồng dê bè ală broă tờm ngan bơh kăc màng Việt Nam dê; gơnoar broă, bơnàng jăt bồ tơngoh phan sơñio gùng bơh bồ tơngoh, nùs nhơm Hồ Chí Minh dê gơwèt mờ broă lơh bơ̆t bơtàu Đảng đơs bal mờ broă lơh bơ̆t bơtàu Đảng bè nùs nhơm đơs is bơh lài tus tŭ do mờ ai tŭ tơngai pa in.

Cau mblàng Lơ Mu K’Yến