Cribơyai Mpồl lơh sa kă bro bơtàu tơnguh kơ̆ kơl jăp jŏ jòng Việt Nam, hòi lơyah là VCSF nam 2023 geh tơngme “Dơ̆ tàm pơrlòng tơlir gùt plai ù: Bơh broă rơndăp lơh tus tàp lơh lơh sa kă bro kơ̆ kơl jăp jŏ jòng”. Cribơyai geh bal Dơ̆ cribơyai mìng dùl tơngume geh bơyai lơh tàm ƀùi drim mờ Dơ̆ cribơyai bal geh lơh tàm ƀùi mho dùl ngai bal.

Ală tơngume tờm geh cribơyai tàm dơ̆ Cribơyai nam do geh: chồl tơnguh tam gơl năng lượng kơ̆ kơl jăp jŏ jòng; lơh pràn lam lơh broă lơh lơh sa tàm pơdar; bơ̆t bơtàu ală drà kă bro phan tơlir...Cribơyai là tŭ niam nàng ală mpồl lơh sa kă bro in tơm bơh bơr, cribơyai, geh ală jơnau dan, broă lơh mờ ală anih lơh broă geh gơnoar tàm broă tơnguh tai bơta pràn jak tàm pơrlòng, chồl tơnguh bơta bơtàu tơnguh kơ̆ kơl jăp jŏ jòng bơh mpồl lơh sa kă bro dê đơs is mờ bơh dà lơgar dê đơs bal. Cribơyai gơhòi gơ jà 250 nă kwang bàng tus bal pơrjum tơn mờ pơgăp 300 nă kwang bàng tus bal pơrjum bơh tàm internet geh ală kwang bàng đơng lam bồ bơh ală anih lơh broă, ƀan, ƀộ, gah lơh broă dê, ala măt ală mpồl cribơyai broă mờ lơgar ndai, ală mpồl dunia mờ ală mpồl lơh sa kă bro, tơrgùm ală mpồl lơh sa kă bro tàm gùt lơgar, ală cau jak chài gah broă do mờ ală anih lơh ƀăo, anih mblàng yal jơnau.