Cribơyai “Ngui bồ tơngoh lơh broă mờ lơgar ndai Hồ Chí Minh tàm lam lơh gùng dà lơh broă mờ lơgar ndai pơrjum dờng Đảng gùt lơgar dơ̆ XIII”
Thứ sáu, 08:41, 19/05/2023
Cau mblàng K'Duẩn/ VOV
Cau mblàng K'Duẩn/ VOV
VOV4.K'Ho - Di tơngkah kir sơnrai 133 nam ngai deh Củ tịc Hồ Chí Minh (19/5/1890- 19/5/2023), drim ngai 18/5, tàm Hà Nội, Ƀộ Ngoại giao bơyai lơh Cribơyai “Ngui bồ tơngoh lơh broă mờ lơgar ndai Hồ Chí Minh tàm lam lơh gùng dà lơh broă mờ lơgar ndai pơrjum dờng Đảng gùt lơgar dơ̆ XIII”.
Tàm cribơyai, ală jơnau đơs cribơyai neh lơh loh rlau bè tơngume, mờng kwèng mờ niam chài lơh broă mờ lơgar ndai Hồ Chí Minh mờ ală gah wèt sền pa. Bal mờ hơ̆, uă jơnau đơs kung sền bơta gơ rềng mờ tơngai tŭ do, sền sơ wì bơta geh ngan lam lơh ngui bồ tơngoh Hồ Chí Minh tàm broă lơh lơh broă mờ lơgar ndai, mờng chài, ngui bồ tơngoh lơh broă mờ lơgar ndai Hồ Chí Minh tàm tŭ bơsong broă pah ngai.
Đơs tơn jơh dơ̆ cribơyai, Ƀộ trưởng Ƀộ Ngoại giao ồng Bùi Thanh Sơn cih dờp ală jơnau đơs tă pơgồp kuơmàng, bơh dơ̆ cribơyai rơp pơgồp bơnah bơto jơnau git wă ai ală kwang bàng lơh broă lơh broă mờ lơgar ndai in, dong git uă rlau tai bồ tơngoh lơh broă mờ lơgar ndai Hồ Chí Minh nàng ngui ngac ngar tàm tŭ tơngai pa tŭ do.
Viết bình luận