Cribơyai “Pờ mpồng drà kă bro phan lơh gơs bơh suơn sre- Tŭ niam bơh ală drà kă bro kal ke"
Thứ tư, 10:50, 14/12/2022
Cau mblàng K'Duẩn/VOV
Cau mblàng K'Duẩn/VOV
VOV4.K'Ho - Drim ngai 13/12, Cơldŭ lơh broă Ƀộ Nông nghiệp mờ Phát triển nông thôn bơyai lơh cribơyai pờ tơlik tơn tàm internet “Pờ mpồng drà kă bro phan lơh gơs bơh suơn sre- Tŭ niam bơh ală drà kă bro kal ke”.
Bơh bồ nam tus tŭ do, priă lơh geh bơh tac hờ lơgar ndai phan lơh gơs bơh suơn sre, brê bơnơm, phan tàm dà bơh Việt Nam dê geh rlau 49 tơmàn dolar Mỹ, gơguh 11,8% pơndrờm mờ bal dùl tŭ nam lài.
Tus tŭ do, neh geh 8 phan bơna, mpồl phan lơh geh priă jền bơh tac hờ lơgar ndai rlau 2 tơmàn dolar Mỹ, geh: kơphe, kau su, phe, biap, plai đo, điều, ka ti, ka tra, phan dơm chi. Tàm dơ̆ cribơyai, ală kwang bàng đơs là, broă pờ mpồng drà kă bro neh kal ke mơya gơtùi gàr drà kă bro mờ bơtàu tơnguh kơ̆ kơljap gam kal ke rlau. Den tàng, tơl nă cau lơh broă sa, mpồl lơh sa kă bro pal lơh ngan tam gơl bồ tơngoh kơlôi sơnơng lơh sa, lơh jat ală jơnau sồr, tơl khà bơh tơl drà kă bro dê.
Viết bình luận