VOV4.K’ho- Ngai 15/03, Ủy ƀan Ñân zân càr Dăk Lăk bơyai lơh Cribơyai tă pơgồp jơnau đơs tàm jơnau yal rơndăp ù tiah càr Dăk Lăk tơngai bơh nam 2021- 2030, wèt sền tus nam 2050. Jăt jơnau yal rơndăp ù tiah, càr Dăk Lăk geh jơnau kờñ bơtàu tơnguh lơh sa- mpồl bơtiàn mhar, kơ̆ kơl jăp, tơl làm jăt tàm bơta tơrgùm bơta pràn nàng bơtàu tơnguh ală gah, broă lơh geh bơta pràn, bơta ƀươn tàm pơrlòng. Bơ̆t bơtàu ƀòn dờng Buôn Ma Thuột là tiah drà tờm bơh tiah Tây Nguyên dê mờ dùl ù tiah Tơlir- Pa ngan- Jak chài, tiah drà ngăc ngar- mpồng mŭt bơh tiah Tây Nguyên dê mŭt gơrờm bal mờ kơnhoàl ù tiah do mờ tàm dunia.

Gùt anih bơyai lơh cribơyai

Jơnau kờñ loh làng, càr Dăk Lăk lơh ngan bơtàu tơnguh lơh sa lơh ngan khà gơguh GRDP kờp bal pah nam tơngai bơh nam 2021- 2030 là 11% tàm dùl nam; Lơh ngan khà lơh sa sồ gơguh rơhời pah nam, nam 2030 geh 20%. GRDP kờp bal tàm dùl nă cau nam 2025 geh 81 tơlak 200 rbô đong, nam 2030 geh 131 tơlak đong.

Cau mblàng Lơ Mu K’Yến