Cribơyai là broă lơh bơh Việt Nam đơng lam tàm tơngume Broă rơndap lơh broă lơh tơngai bơh nam 2021-2025 bơh Ủy ƀan Asean dê bè dong kờl mờ sền gàr gơnoar bơh cau ùr mờ kơnòm dềt dê. 

Tàm dơ̆ cribơyai, ala mat ală lơgar tàm mpồl Asean yal bơta gơguh jak lơh jat ală jơnau sồr geh ai tơlik tàm Jơnau yal tàm bơta gàr niam gơnoar broă kơrnoat boh lam bơh cau ùr mờ kơnòm dềt Asean dê bơh Việt Nam đơng pơlam bal cih tàm Broă rơndap lơh Lơh broă bơh Ủy ƀan Asean bè dong kờl mờ sền gàr gơnoar bơh cau ùr mờ kơnòm dềt dê tơngai bơh nam 2016-2020. Bơdìh hơ̆, ală kwang bàng kung đơs bè ală bơta lơh ngan bơh Việt Nam dê tàm broă bơsong sră pơ àr Quôk tịc, hộ tịc ai cau ờ geh Quôk tịc in, cau ntrờn ơm kis khat gơboh tàm tơngai pa do mờ geh ală jơnau đơs, broă lơh lơh broă bal tus nam 2025.