VOV4.K’ho- Ngai do 14/02, tàm Hà Nội, Ƀộ Nông nghiệp mờ Phát triển Nông thôn pơgồp bal mờ Ủy ƀan dà lơgar cau Việt Nam ơm tàm lơgar ndai bơyai lơh Cribơyai tàm tơrbŏ cau lơh sa kă bro là làng bol he tàm lơgar ndai, dong tơnguh kă bro mờ bơcri priă gah lơh broă sa sươn sre.

Mờ jơnau kờñ pơn jăt tai dong tơnguh yal tơngĭt, tàm tơrbŏ bơcri priă mờ kă bro phan lơh geh bơh sươn sre, sơlơ mŭt gơrờm bal mờ dunia gah lơh broă sa sươn sre, Cribơyai geh yal tơngĭt mờ làng bol he tàm lơgar ndai bè gùng dà ai lài gơhòi gơ jà bơcri priă mờ lơh broă bal lơh sa kă bro tàm gah lơh broă sa sươn sre, phan tàm dà kung bè bơta pràn ală phan bơna OCOP. Cribơyai kung là tŭ tơm bơh bơr, iăt kơno jơnau đơs tă pơgồp, bồ tơngoh jak bơh làng bol he dê tàm lơgar ndai nàng kờñ dong tơnguh tai tăc bro phan mờ lơgar ndai, ai tơl ală bơta ƀươn nàng làng bol Việt Nam kis tàm lơgar ndai tus bal bơcri priă, kă bro, lơh broă bal mờ mpồl lơh sa kă bro, cau lơh broă sa mờ hợp tak xã tàm lơgar, bơh hơ̆ lơh gơs mpồl tàm tơrbŏ bal mờ làng bol he tàm lơgar ndai tàm broă tăc bro phan mờ bơcri priă ală phan bơna lơh geh bơh sươn sre.

Cau mblàng Lơ Mu K’Yến