Củ tịc càr Dăk Lăk sồr lơh mhar mut lơh jơh ngai mờ mang tàm ală broă lơh bơt bơtàu tờm ngan dê
Thứ năm, 11:02, 06/06/2024
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV4.K’Ho- Mhar lơh mhar ngan tŭ tơngai ai priă bơcri Dà lơgar, kràñ cê jơh nùs lam lơh geh cồng nha ală broă lơh bơt bơtàu rơndăp broă lơh tờm gờm chờ tơngkah kir sơnrai 120 nam crơng gơs càr”, do là jơnau sồr bơh Củ tịc Ủy ƀan Ñân zân càr Dăk Lăk dê tàm dơ̆ pơrjum geh bơyai lơh ngai 5/06.
Kờp tus lồi nhai 5 nam 2024, càr Dăk Lăk neh ai priă bơcri Dà lơgar geh rlau 1 rơbô 080 tơmàn đong, lơh geh 25% broă rơndăp lơh. Khà ai priă bơcri Dà lơgar geh gơguh pơndrờm dùl tŭ bal mờ nam lài, mơya cồng nha kung gam lơyah ngan sơl.
Đơs tàm dơ̆ pơrjum, ồng Phạm Ngọc Nghị, Củ tịc Ủy ƀan Ñân zân càr Dăk Lăk sồr ală sở, ngàñ, ală tiah sơlơ tơnguh tai broă lơh lòt sền, lùp sền, sền gŏ mờ bơsong di tŭ ală bơta kal ke, kòl yan ai tơl rơndăp broă lơh, broă lơh bơt bơtàu in. Bơdìh hơ̆, ala mat mpồl lơh broă pal rcang lài pơgồp bal niam, lơh jat dồ ròt bal tàm broă lơh ai ù, lơh sir sră nggal, lơh mhar lơh ală rơndăp broă lơh bơt bơtàu tờm ngan Dà lơgar dê mờ broă lơh bơt bơtàu gờm chờ tơngkah kir sơnrai 120 nam Ngai crơng gơs càr tàm nhai 11 do.
Viết bình luận