VOV4.K’ho - Dờp jơnau jà bơh Củ tịc Quốk hội ồng Vương Đình Huệ, Củ tịc Hạ nghị viện lơgar Ấn Độ ồng Om Birla lam bồ mpồl kwang bàng ala măt Nghị viện lơgar Ấn Độ còp mùl màl lơgar Việt Nam bơh ngai do, ngai 19 tus ngai 21 nhai 04.

                                        Ồng Om Birla Củ tịc Hạ nghị viện lơgar Ấn Độ

Dơ̆ tus còp mùl màl bơh Củ tịc Hạ nghị viện lơgar Ấn Độ tus lơgar Việt Nam pơgồp bal tàm broă tơnguh broă lơh git gơ̆p, lơh broă bal jŏ jòng tơl ală bơta đah bàr lơgar, tơnguh broă lơh git gơ̆p, lơh broă bal mờ Quốk hội lơgar Việt Nam; tàm pơn jăt tai cồng nha bơh dơ̆ tus còp lơgar Ấn Độ tàm nam 2021 bơh Củ tịc Quốk hội ồng Vương Đình Huệ dê; tìp mờ mpồl cau lơgar Ấn Độ gam kis, lơh sa kă bro mờ bơcri priă tàm lơgar Việt Nam. Dơ̆ tus còp mùl màl lơgar Việt Nam bơh Củ tịc Hạ nghị viện lơgar Ấn Độ dơ̆ do geh là bơta kwơ màng ai broă lơh git gơ̆p, lơh broă bal jŏ jòng tơl ală bơta đah lơgar Việt Nam mờ lơgar Ấn Độ tàm bơta bàr lơgar gam tơnkah 50 nam crơng gơs broă lơh bal mờ lơgar ndai tàm nam 2022.

Cau mblàng Ndong Brawl